A keni marrë para nga Habilajt?
Në përgjimet në 10 dhjetor më duket të 2013-s deklarojnë se unë fitoja 5 milionë euro në muaj. Unë kisha dy muaj që kisha marrë detyrën dhe këta thoshin se unë merrja 5 milionë euro në muaj.
A keni pasur dijeni sapo keni marrë detyrën për rekorde kriminale të këtyre personave?
Jo dhe as më intereson. Por, dy njerëz që kanë marrë kurajën që bisedojnë me njëri-tjetrin se unë merrja 5 milionë euro në muaj kur kisha vetëm 5 milionë euro në muaj. Edhe sikur të kisha mbjellë gjithë Shqipërinë me kanabis nuk do të kisha marrë aq.
A nuk kishte dijeni mbi gjithë këtë aktivitet kriminal kur ai thotë se kanë blerë policinë dhe radarët? A nuk ka rënë shteti këtu ?
Unë po them dy trafikantë në nivele ordinere që i thonë njëri-tjetrit për ministrin e Brendshëm se unë fitoja 5 miliona euro në muaj për logjikën e çdo shqiptari mesatar është krejt banale. Po flasim për disa përgjime të bëra nga policia italiane të cilat pres të sqarohen edhe në prokurori, ku emri im përmendet disa herë.
A nuk kishit dijeni për aktivitetin kriminal të tyre?
Unë kam neglizhuar të pyes nëse kanë rekorde këta njerëz kur iu kam shitur makinën. Atëherë nuk kam pyetur dhe mua mu duk kënaqësi e madhe që e shita dhe pikë.
Ju përmendet marrëdhëniet me DEA-n amerikane, këta persona ishin në përgjim nga këta persona a nuk kishit një sinjal nga Italia?
Jo kurrë. Nëse do kisha sinjal. Po të kisha sinjale do të kisha nisur menjëherë bashkëpunimin me partnerët.
A ishin Habilajt militantë të PS-së?
Nuk e di
A keni shkarkuar punonjës policie me urdhrin e Habiljave?
Kurrë.
A keni dijeni mbi fotot e dala së fundmi ?
Fotot ka sa të duash. Kjo është Shqipëria. Opozita i merrte me makinën e shtetit në kohën kur ishte në pushtet. Kanë dalë jashtë vendit me njerëz me rekorde kriminale. Unë kam qenë ministër i Brendshëm dhe di shumë nga sa kam mundësi të flas. Unë po ju them që Shqipëria nuk ka histori bandash. Për mua janë disa banditë rrugësh të cilët nga gjykata, prokuroria.
