I revoltuar nga shtyrja e seancës gjyqësore të ditës së sotme, ish-ministri Saimir Tahiri ka reaguar sërish me një postim në Instagram. Ai ka publikuar një foto ku duket i thinjur, duke ironizuar pritjen që po bën me shtyrjen e njëpasnjëshme të seancave gjyqësore.
Bashkëngjitur fotos së postuar në rrjetin social, ai nënvizon se është thinjur duke pritur gjyqin. Një gjyq që duhet të ishte një shembull korrektese e profesionalizmi. Të gjithë këtë situatë, Tahiri e cilëson si qesharake.
“Duke pritur gjyqin….
Nje gjyq qe duhet te ishte shembull korrektese e profesionalizmi, u shty edhe sot. Hera 1re u shty se posta padashje kishte grisur letrat. Hera e 2te se polici nuk kishte bere njoftimet. Hera e 3te (sot) se Prokuroria kishte humbur ca letra e nuk i gjente dot. Letrat me te cilat kerkoi arrestimin tim ne parlament, sot i kishin humbur.
QESHARAAAAAKE!!!!!Shty e shty e shty…por dita ime nuk largohet dot”, shkruan ai.
