Presidenti i Rusisë, Vladimir Putin i ka bërë apel qytetarëve që të votojnë ndryshimet në Kushtetutë, duke i cilësuar këto reforma si një garantues të stabilitetit, sigurisë dhe begatisë.
Mirëpo këto ndryshime do të bënin të mundur, që Putin të kandidonte sërish për postin e presidentit.
Sipas ndryshimeve të propozuara, që sondazhet thonë se mbështeten nga dy të tretat e votuesve, Putin do të lejohej të kandidojë edhe për dy mandate të tjera gjashtë-vjeçare, pas mbarimit të mandatit aktual. Mandati i Putin përfundon në vitin 2024.
Kjo mund të bëjë që ai të qëndrojë në këtë post deri në vitin 2036. Megjithatë, Putin është shprehur se nuk ka marrë ende një vendim përfundimtar lidhur me këtë pjesë.
