Kreu i Shtetit, Ilir Meta, ka folur mbrëmjen e sotme në emisionin “Opinion” pët përplasjet me kryeministrin Edi Rama. Por ndryshe nga çfarë është paraqitur situata gjatë ditëve të fundit, presidenti Meta ka surprizuar me përgjigjen e tij. Ai tha se ka një marrëdhënie personale të shkëlqyer me Edi Ramën.
“Nëse do kishit një kamera të fshehur, do shihnit që marrëdhëniet e mia me Ramën janë të shkëlqyera në kuptimin personal, është shumë i dashur, shumë i respektueshëm.
Por kur ika unë nga detyra në vitin 2002, Shqipëria ishte e përfshirë në procesin e stabilizim asocimit, dhe Serbia e Maqedonia nuk konfiguronin fare, ndërsa tani janë shumë para nesh, aq më tepër pas votimit të njëanshëm që u bë para disa ditësh”, tha Meta.
