Falë kushteve të qëndrueshme atmosferike, edhe sot vendi ynë ka patur dhe do të vazhdoj të ketë deri në fund të ditës mot të kthjellët. Temperaturat në vlerat minimale arritën nga -8ºC në zonat malore deri në 3 gradë celcius në ato të ulta dhe bregdetare.
Në vlerat e mesditës, temperaturat në relievet malore arritën 6ºC, ndërsa ato të ulta dhe bregdetare deri në 16ºC.
Edhe për ditën e nesërme vendi do të ndikohet nga të njëjta kushte atmosferike. Moti do të jetë i kthjellët në të gjithë territorin. Nesër gjithashtu pritet depërtimi i masave relativisht më të ngrohta, duke rritur vlerat e temperaturave kryesisht ato të mëngjesit.
Në këtë mënyrë, temperaturat minimale pritet të arrijnë nga -5ºC në relievet malore deri në 5ºC në ato të ulta e bregdetare. Po ashtu edhe temperaturat e mesditës pritet të kenë rritje, duke prekur vlerat nga 11ºC në zonat malore deri dhe 17ºC në ato të ulta e bregdetare.
