Është mbyllur java e pestë në Serie A dhe Juventusi vazhdon të mbetet perfekte në krye të klasifikimit, duke i fituar të gjitha ndeshjet. Është Napoli që e ndjek me tre pikë më pak, ndërsa Roma është zhytur në krizë, pasi ka pësuar sërish humbje. Dy ndeshjet e skuadrave të Milanos janë vendosur në minutat shtesë, por vetëm zikaltërit buzëqeshin. Ishte Brozovic që i dhuroi Interit fitoren në një transfertë të vështirë përballë Sampdorias, ndërsa Milani u ndal në barazim 2-2 nga Atalanta në ‘San Siro’, me gol të Rigonit në minutën e 92’.
Ndërsa goli më i bukur javës që lamë pas është shënuar nga sulmuesi i Parmës, Grvinho. Ai ka dyfishuar rezultatin përballë Cagliarit me një gol “alla George Weah”. Ish-sulmuesi i Arsenal dhe Roma-s ka marrë topin nga gjysmëfusha e tij duke dribluar këdo që i ka dalë përpara dhe më pas ka lëshuar një goditje të saktë drejt portës.
