Sport

Sulmues me 4 kombësi të ndryshme, “shpërthejnë” mediat zvicerane: Po na i vjedhin shqiptarët…

               Publikuar në : 19:00 - 17/08/19 user tir

Lojtari i Bazelit në Zvicër, Kemal Ademi ka mundësinë të luajë me 4 shtete të ndryshme. Sulmuesi kaloi nga Ksamaksi te Bazeli këtë merkato si një transferim i lirë, por 28-vjeçari ka diçka të veçantë.

Ademi ka lindur në Gjermani në 1991, nga prindër kosovarë, dhe që në moshë të re jeton në Herisau, Zvicër. Për shkak të këtyre rastësive të veçanta ai ka katër kombësi, zviceriane, gjermane, kosovare dhe shqiptare.

Kjo do t’i lejonte Ademit, të luante për cilëndo kombëtare që ai dëshiron. Sipas asaj që shkruan zvicerania “Blick”, Kosova dhe Shqipëria, po bëjnë presion për ta marrë lojtarin, madje këtë e shkruan me titullin, “Shqiptarët duan ta vjedhin Ademin nga ne”.

Gjithsesi sulmuesi nuk ka ndërmend të largohet nga Zvicra, pasi më parë ka deklaruar se ndihet si në shtëpi.

Kthehu
WhatsApp Denonco ne TT