Shërbimi i xhandarmërisë kombëtare të Francës njoftoi se u mbyll sheshi Champs-Elysees në qendër të Paristit. Në këtë shesh një shofer goditi me makinën e tij një furgon të policisë. Policia deklaroi se shoferi është arrestuar, ndërsa në incident nuk ka të plagosur, por agjencia AFP, në anën tjetër, tha se shoferi “është plagosur rëndë”.
Burimet policore dhe gjyqësore thanë se dyshojnë se incidenti është një veprim i qëllimshëm.
Ai vjen vetëm dy muaj pasi një polic është qëlluar dhe vrarë në sheshin Champs-Elysees. Sulmuesi në këtë rast është vrarë nga policia, ndërsa përgjegjësinë për sulmin e ka marrë grupi militant Shteti Islamik.
Sheshi Champs-Elysees, me famë botërore, është tërheqës si për vendasit, ashtu edhe për turistët.
