Pas sulmit në qytetin e Nju Jorkut, Presidenti i SHBA, Donald Trump ka kërkuar nga Kongresi që të shikojë sa më shpejt të jetë e mundur ndalimin e programit e lotarisë amerikane. Trump ka kërkuar që të rishikohet sistemi i emigracionit amerikan, pasi rezulton se autori i fundit i sulmit kishte ardhur në Amerikë nëpërmjet programeve të lotarisë.
“Kongresi duhet të veprojë menjëherë , pasi duhet reformin i sistemit të emigracionit”-tha ai.
Këto komente Trump i ka bërë gjatë nënshkrimit të Aktin e Autorizimit për Mbtojtjen Kombëtare për vitin financiar 2018. Me anë të një deklarate autoritetetet e policisë së Nju Jorkut kanë njoftuar se janë ngritur akuza për kërcënime dhe mbështetje të terrorizmit ndaj presionit që u përpoq të shpëthente një bombë artizanale në sistemin nëntokësor të Nju Jorkut. Ata thanë se sulmuesi ka ndjekur në internet propagandën e Shtetit Islamik, ndërsa agresori ka thënë se kishte vepruar në shenjë hakmarrje ndaj sulmeve ushtarake të SHBA-së.
Mediat njoftojnë se policia ka identifikuar të dyshuarin e sulmit një 27-vjeçar nga Bangladeshi me emrin, Akayed Ullah. Sulmuesi punonte shofer taksie. Ai kishte lidhur në trup një bombë artizanale të cilën u përpoq ta shpërthente në një tunel që lidh stacionin qendror të autobusëve me rrjetin e metrosë. I dyshuari, për të cilin autoritetet thonë se ishte frymëzuar nga Shteti Islamik, erdhi në Shtetet e Bashkuara në vitin 2011 përmes vizës F-4 për bashkim familjar, një prej çështjeve që administrata e Presidentit Trump deklaron se do ta kufizojë.
“Politika e presidentit kërkon dhënien fund të imigracionit zinxhir, dhe po të kishte ekzistuar kjo, do të kishte ndaluar këtë individ që të vinte në Shtetet e Bashkuara. Presidenti do të kërkojë një reformë imigracioni të përgjegjshme dhe dhënia fund e imigracionit zinxhir do të jetë pjesë e këtij procesi”-është shprehur zëdhënësja e Shtëpisë së Bardhë, Sara Huckabee.
