Zyra e OSBE-së në Tiranë në një reagim publik të shpërndarë për median, shprehet se dënon me forcë sulmin e sotëm ndaj gazetares Klodiana Lala dhe kërkojnë që autorët të dalin përpara drejtësisë.
“Dënojmë me forcë sulmin e sotëm kundër gazetares Klodiana Lala dhe i nxitim autoritetet të nxjerrin para drejtësisë personat përgjegjës. Media e lirë luan rol thelbësor në demokraci dhe dhuna kundër gazetarëve është shenjë shumë negative për shëndetin dhe lirinë e shoqërisë”, shkruhet ne reagimin e zyrës së OSBE-së në Tiranë.
Banesa e prindërve të gazetares Lala u sulmua me kallashnikov në orët e hershme të mëngjesit të sotëm, fatmirësisht pa të lënduar në njerëz.
