Ish-kryetari i Partisë Demokratike, Lulzim Basha, është zëri i radhës që jep komentin mbi vendimin e qeverisë për t’i lënë 24 orë afat stafit të Ambasadës së Iranit, për të larguar të gjithë diplomatët nga Tirana.
“Sulmi kibernetik i Iranit kundër Shqipërisë tregon sërish rëndësinë jetike të aleancës së NATO-s për sigurinë tonë. Ne jemi mirënjohës për mbështetjen e domosdoshme të SHBA-së dhe qëndrojmë së bashku me aleatët tanë të NATO-s për ti kërkuar llogari Iranit, për të parandaluar kërcënimet dhe veprimet kundër sigurisë sonë të përbashkët”.
Kryeministri Rama deklaroi se sulmi kibernetik i cili nxori jashtë funksionit përkohësisht platformën digjitale e-Albania dhe disa faqe te tjera zyrtare, është kryer nga Republika Islamike e Iranit. Këshilli i Ministrave ka miratuar vendimin për ndërprerjen e menjëhershme të marrëdhënieve diplomatike me Iranin, ndërsa trupi diplomatik ka kohë 24 orë për t’u larguar nga Shqipëria.
