E enjte, 20 Janar, 2022
3.5 C
Tirana

Sulmi kibernetik bllokon operacionet e një rrjeti supermarketesh në Suedi

Një nga rrjetet më të mëdha të supermarketeve në Suedi njoftoi të shtunën se ka mbyllur përkohësisht afro 800 dyqane pasi një sulm kibernetik bllokoi sistemin e kasave.

“Një ndër filialet tona u godit nga një sulm kibernetik që ka bërë të bllokohen kasat,” njoftoi kompania Coop Sweden e cila përfaqëson 20% të shitjes me pakicë të produkteve ushqimore në Suedi.

Coop Sweden nuk përmendi filialin apo metodën që ishte përdorur për të realizuar sulmin e së premtes.

Por një incident i tillë pason akte të ngjashme hakerimi në shkallë globale, përfshirë në Shtetet e Bashkuara.

Sulmet kibernetike të kësaj natyre zakonisht realizojnë bllokimin e sistemit operues përmes një kodi special sekret, duke i kërkuar kompanisë të paguajë për të zhbllokuar sistemin.

Vjet, hakerët zhvatën 18 miliardë dollarë përmes sulmeve të tilla, sipas një firme të specializuar sigurie.

Kompania amerikane e teknologjisë informatike, Kaseyau bëri thirrje të premten klientëve të saj të fiknin serverat që punonin me platformën e saj VSA, pasi dhjetëra prej tyre ishin sulmuar.

Gjatë javëve të fundit, sulme të tilla kanë goditur tubacione për shpërndarjen e naftës, shërbime shëndetësore dhe firma të fuqishme. Presidenti Joe Biden ka reaguar duke e ngritur këtë temë edhe në takimin që zhvilloi në qershor me homologun rus Vladimir Putin./VOA

- Reklama -

Më shumë nga kategoria




Të fundit

6 marsi, testi kyç i Bashës

Nga: Eduard Zaloshnja Nga komunikimi publik i Presidentit Meta, duket pothuaj plotësisht e sigurtë se zgjedhjet e pjesshme lokale në 6 bashki do të zhvillohen...

Çmimet e reja në Kosovë, si do të llogaritet fatura e energjisë së shpenzuar

Zyra e Rregullatorit të Energjisë ka publikuar një kalkulator për llogaritjen e faturave të energjisë elektrike, pas propozimit për ndryshim të tarifave. Në këtë...

Rënie e lehtë e euros dhe paundit britanik, këmbimi valutor për ditën e sotme

Në kursin e këmbimit valutor, sot vihet re një rënie e lehtë e euros dhe paundit britanik. Ndërkohë, dollari dhe franga zvicerane kanë shënuar...

Kosovë/Omicron rriti infektimet, sot pritet të diskutohet për masat e reja

Varianti Omicron ka shtuar frikshëm infektimet në Kosovë, e ndërsa pritet nga ekspertët që të shtrëngohen sot masat anti-COVID. Në total numri i rasteve aktive...

Përfshihet nga flakët një apartament në zonën e Freskut në Tiranë

Një banesë në zonën e Freskut në Tiranë, është përfshirë nga flakët. Flakët e zjarrit kanë përfshirë banesën e marrë me qira nga shtetasja...