Sekretari amerikan i Thesarit, Steven Mnuchin ka deklaruar se SHBA ka vendosur sanksione të reja ndaj Iranit.
Gjatë një konference për mediat në Shtëpinë e Bardhë, Mnuchin sqaron se kjo masë ka ardhur për shkak të sulmit ndaj trupave amerikanë këtë javë në Irak.
“Ne po shpallim sanksionet shtesë kundër regjimit iranian”, tha ai.
Situata e tensionuar mes SHBA-së dhe Iranit lindi pas ekzekutimit të gjeneralit iranian Qasem Soleimani në ditët e para të këtij viti.
Që nga ajo kohë Irani paralajmëroi se do të hakmerrej për vrasjen e gjeneralit, ndërsa deri më tani ka nisur sulme me raketa në dy baza amerikane në Irak.
