Programi italian televiziv “Quarto Grado” ka udhëtuar në laboratorët e Ness Ziona, pranë Tel Avivit, aty ku janë hedhur hapa të rëndësishme drejt vaksinës.
Studiuesit janë shprehur se ata kishin zbuluar krejt rastësisht, se koronavirusi ka një strukturë shumë të ngjashme me atë të një virusi tjetër që ishin duke studiuar. Ata kanë konfirmuar po kështu se do u duhen edhe disa javë për të nisur testimet. Po kështu dhe disa muaj që vaksina të jetë gati në treg.
“Ne zbuluam pothuajse rastësisht se koronavirusi ka një strukturë shumë të ngjashme me atë të një virusi tjetër që ishim duke studiuar”, shpjegojnë studiuesit izraelitë.
“Kështu që mund të themi se ne jemi tashmë në rrugën e duhur. Na duhen edhe disa javë për të nisur testimet, dhe disa muaj që vaksina të jetë gati”.
Tashmë Europa është kthyer në vatrën e koronavirusit në botë, ndërsa situata paraqitet më dramatike në Italinë fqinje.
Koronavirusi ka paralizuar tërësisht jetën në Ital, duke i mbyllur të gjithë qytetarët në banesat e tyre.
