Veprime të caktuara na japin lumturi dhe kjo është e vërtetuar edhe nga studime të shumta. E një nga këto veprime, është edhe të ngrënit.
Kjo pasi të hash ushqimin e preferuar dhe të shijosh çdo kafshatë të tij, konsiderohet si një nga gjërat më të kënaqshme.
Por, cili është ushqimi që na lumturon më së shumti?
Sipas një sondazhi të kryer në Itali , ushqimi më i preferuar që dhuron më shumë kënaqësi, është pikërisht pica.
Pas saj, vijnë makaronat, ndërsa në vend të tretë renditen ushqimet e zgarës.
Po ashtu, ky anketim arrin në përfundimin se maksimumi i kënaqësisë gjatë të ngrënit arrihet nga ulja në tryezë me partnerin. Në vend të dytë vjen të ngrënit me prindërit dhe në të tretin, ai me shokët. Por, është edhe një 10 përqindësh i të intervistuarve që preferon ngrënien me gjyshërit.
