Sipas një studimi delet kanë aftësi të njohin fytyrat e njerëzve. Studiuesit e Universitetit të Kembrixhit trajnuan delet për të identifikuar fytyrat e aktorëve Jake Gyllenhaal dhe Emma Watson, ish-Presidentit të SHBA, Barak Obama dhe gazetares së lajmeve të BBC, Fiona Bruce.
Pas stërvitjes, delet zgjodhën fotot e fytyrave të njohura. Kjo tregon se delet kanë aftësi të ngjashme me primatët për të njohur fytyrat. Edhe studimet e mëparshme kishin treguar se delet mund të identifikonin njerëzit që njihnin.
“Ne duam të dimë nëse një dele mund të njohë dikë nga një fotografi”, tha autori kryesor i studimit, Prof Jenny Morton.
“U përqendruam në faktin nëse një kafshë ishte e aftë të përpunonte një objekt dy-dimensional si një person”.
Tetë dele malore u trajnuan për të dalluar katër fytyrat e famshme nga fotografitë e njerëzve të panjohur, duke u ushqyer si shpërblim.
Në dy ekrane kompjuterike u shfaqën fotografi të ndryshme; delja bëri zgjedhjen e tyre duke thyer një rreze infra të kuqe.
Pas njohjes me aftësinë e kafshëve për të njohur fotot e njerëzve të famshëm, hulumtuesit i vendosën atyre një detyrë të re. Ata donin të shihnin nëse kafshët mund të identifikonin saktësisht të njëjtët të famshëm, kur u paraqitën nga kënde të ndryshme.
Përsëri, performanca e kafshëve në këtë detyrë ishte shumë e mirë.
Së fundi, kërkuesit donin të dinin nëse delet mund t’i dallonin kujdestarët e tyre nëpër foto. Imazhet e kujdestarëve të tyre u përplasën rastësisht në një sekuencë të fytyrave të panjohura që u treguan atyre në ekranet. Delet nuk na zhgënjyen.
Rezultatet tregojnë se aftësitë e njohjes së fytyrave nga kafshët janë të ngjashme me ato të majmunëve dhe njerëzve. (TIRANA TODAY)