Një dozë e tretë e vaksinës AstraZeneca kundër koronavirusit ofron një reagim të fortë imuniteti. Një studim i Universitetit të Oksfordit, zbuloi se dhënia e një dozë e tretë më shumë se gjashtë muaj pas dozës së dytë, rezultoi në një rritje të konsiderueshme të antitrupave dhe rrit aftësinë e qelizave T të trupit për të luftuar koronavirusin, duke përfshirë variantet e tij, shkruan The Guardian.
Teresa Lambe, profesoreshë e imunologjisë dhe vaksinave në Universitetin e Oksfordit, tha se ende nuk dihej nëse njerëzit do të kishin nevojë për një fushatë përforcuese vaksinimi në vjeshtë, por të dhënat e reja treguan se vaksina ekzistuese mund të ishte efektive.
Të dhënat kanë treguar se dy dozat ofrojnë mbrojtje të mirë kundër sëmundjeve të rënda të shkaktuara nga varianti Alfa i virusit i cili nxiti një valë të dytë infektimesh në Britani dhe variantit Delta i cili dominon aktualisht.
Gjatë fundjavës, Universiteti i Oxfordit nisi një provë të një varianti të vaksinës që ka prodhuar vetë kundër koronavirusit e cila është modifikuar për të vepruar më mirë ndaj variantin Beta, i identifikuar së pari në Afrikën e Jugut. Ky variant është më shqetësuesi për prodhuesit e vaskinës si rezultat i mundësisë për t’iu shmangur sistemit imunitar.
Hulumtimi i bërë publik të hënën, u bazua në prova me 30 pjesëmarrës të cilët morën një dozë të dytë të vonuar dhe 90 të tjerë, që morën një dozë të tretë të vaksinës.
