Një studim i ri, tregon se koronavirusi ka qarkulluar në Shtetet e Bashkuara në dhjetor të vitit 2019, pak para se të zyrtarizoheshin rastet e para në Wuhan të Kinës, vendi ku mendohet se ka origjinën ky virus.
Ky konkluzion, u arrit pas analizimit të mostrave të 24 mijë amerikanëve në fund të dhjetorit të vitit 2019, ku u vu re se 9 prej tyre kishin anti-trupa në sistemin e tyre, shkruan Press Democrat.
Analiza nuk është përfundimtare, dhe disa ekspertë mbeten skeptikë, por zyrtarët federalë të shëndetësisë gjithnjë e më shumë po pranojnë një afat kohor në të cilin një numër i vogël i infeksioneve COVID-19 mund të ketë ndodhur në SHBA, para se bota të bëhej e vetëdijshme për një virus të ri të rrezikshëm që shpërtheu në Kinë.
Hetuesja kryesore e këtij studimi, Natalie Thornburg tha se këto raste kanë qënë sporadike dhe se nuk u përhapen deri në fundt të shkurtit.
“Ndoshta ka pasur raste shumë të rralla dhe sporadike këtu më herët sesa kemi qenë të vetëdijshëm. Por këto të fundit janë përhapur deri në fund të shkurtit”, tha Thornburg,
