Vaksina kineze kundër koronavirusit, CoronaVac zvogëlon vdekshmërinë nga kjo sëmundje me 97%, ndërsa Pfizer me 80%, sipas rezultateve paraprake të një studimi të botuar dhe kryer në popullsinë në Uruguaji.
“Reduktimi i vdekshmërisë nga Covid-19, që ka kaluar më shumë se 14 ditë që nga doza e fundit e vaksinës, është 97% për Coronavac dhe 80% për Pfizer”, thuhet në ‘Studimin e efektivitetit të vaksinimit kundër SARS-CoV- 2 në Uruguai në 2021 ‘, kryer nga Ministria e Shëndetit Publik (MSP), shkruan Telam.
Raporti tregon se, nga totali i njerëzve të imunizuar plotësisht me CoronaVac që nga 25 maj (712,716), 5,360 rezultuan pozitivë për koronavirus. Midis tyre, 19 kërkuan shtrimin në spital në ambientet e kujdesit intensiv dhe 6 prej tyre humbë jetën.
Ndërkohë, nga numri i përgjithshëm i njerëzve të imunizuar plotësisht me Pfizer në të njëjtën datë (149,329 persona ), 691 ishin infektuar me Covid, vetëm një kërkoi shtrimin në spital dhe 8 pacientë humbën jetën. Raporti sqaron se, në këtë rast, ata ishin të gjithë mbi 80 vjeç.
Studimi sqaron se shifrat janë paraprake dhe duhet të interpretohen me kujdes, pasi nuk merr parasysh moshën e njerëzve, shoqërimet e tyre dhe grupet e ekspozimit të lartë, të tilla si personeli shëndetësor. Aktualisht, 47% e popullsisë uruguajane ka marrë tashmë dozën e parë të vaksinave dhe 28% të dytën.
