Nuk janë të paktat rastet kur pedagogët kanë vendosur një çmim që studenti të marrë provimin. Jo vetëm në kryeqytet, por edhe në rrethe korrupsioni është i madh.
Studenti Aurel Kujtimi, në një intervistë për “Good Morning Albanians” në Euronews Albania ka zbuluar se pedagogët marrin nga 200 deri në 500 euro për një provim. Ai tha se pedagogët kanë krijuar dhe qendra kursesh, ndërsa studentët nuk flasin pasi kanë frikë.
“Pedagogët duan lekë. Kanë krijuar dhe qendra kursesh. Te shkencat e natyrës, provimi ka qenë deri në 700 euro tani mund të variojnë nga 200-500.
Mos të flasim pastaj për zonat e Tiranës së bëhet një korrupsion i madh, në Elbasan dhe në Gjirokastër. Studentët ma kanë pohuar vetë studentët, por këto të fundit nuk kanë guxim ta thonë se kanë frikë”, tha ai.
