Edhe pak orë kanë mbetur nga fundi i asaj që paralajmëruan studentët në protestë, ose në të kundërt do të hidhen në grevë urie. Këto orë janë vendimtare, e ndërsa studentët nuk kanë lëvizur për asnjë çast, duke i dhënë forcë njëri-tjetrit. Pjesëmarrja ka qenë masive, ku studentët kanë ardhur jo vetëm nga rrethet, por edhe nga Kosova.
Një student nga Kosova ka marrë fjalën në mes të protestës, duke përkrahur të rinjtë shqiptarë.
Ai i ka ofruar mbështetjen studentëve, ndërsa shprehet se të gjitha trevat shqiptare janë me rininë.
“Të gjithë trevat shqiptare jemi me ju. Ne jemi ardhëria. Si Kosovë, si Shqipëri nuk ka dallim. Ne duhet t’i shyjmë idealet tona, të përmbushim ëndërrat tona”, u shpreh studenti.
Më tej ai iu drejtua studentëve; “Kush është me ne, le të thotë ‘unë jam student’”.
Ndërsa të gjithë njëzëri brohoritën, “jemi studentë”.
