Është bërë e udhës që kryeministri Rama ta nisë ditën me një mesazh. Por teksa qyteti ka humbur qetësinë, për shkak të protestave masive të studentëve, kryeministri nuk ndalet me planin e tij, duke mos dhënë asnjë mesazh përtej asaj që dha dje në mbrëmje.
Bashkëngjitur një videoje të cilën e ka ndarë me të gjithë ndjekësit në Facebook, ai ka shkruar:
“MIRËMËNGJES dhe me këto momente domethënëse të transformimit rrënjësor të Fierit, përmes Programit Kombëtar të Rilindjes Urbane, ju uroj një ditë të mbarë”.
Ky reagim ka rebeluar qytetarët, të cilët kanë shpërthyer me komente fyese ndaj tij. Ata i risjellin në fokus protestën madhështore të studentëve, dhe se çfarë zgjidhje duhet ti japë ai.
