Dy ditë më parë, një grup studentësh protestuan te Korpusi Universitar, ndërsa hodhën akuza mbi qeverinë se i kishte mashtruar dhe nuk kishte mbajtur premtimet që iu bëri një vit më parë.
Në kundërpërgjigje të kërkesave të studentëve, kryeministri Edi Rama ka publikuar mëngjesin e sotëm një postim, ku shprehet se puna vijon në kantieret e Paktit për Universitetin.
Së shpejti, thotë Rama, do të fillojë edhe gara për Kampusin e Madh të Universitetit të Tiranës.
Statusi
MIRËMËNGJES
nga puna që vijon në kantieret e Paktit për Universitetin, Ju uroj një ditë të mbarë me konviktin e vajzave të Universitetit “Ismail Qemali” në Vlorë, teksa së shpejti starton gara për Kampusin e Madh të Universitetit të Tiranës.
