Studentët e Fakultetit të Shkencave Sociale do të bojkotojnë mësimin për shkak të rritjes së çmimeve, duke iu bashkuar në këtë formë protestave masive që kanë mbërthyer vendin. Studentët kanë paralajmëruar se protesta e tyre do të nisë në orën 11:00 përpara universitetit të tyre.
“Bojkot për çmimet, naftën dhe varfërinë. Të bien çmimet ose qeveria”, është motoja në posterin që të rinjtë kanë shpërndarë në rrjetet sociale.
Më herët, kryeministri Rama njoftoi ngritjen e Bordit të Administrimit të karburantit, ç’ka pasoi me uljen e ndjeshme të çmimit të karburantit. Rama tha se ata që protestojnë nuk janë popull, por po e njëjta pakicë e zhurmshme në kërkim të rrëmujës!
