Studentët e Universitetit Bujqësor të Tiranës kanë protestuar sot kundër rritjes së çmimit. Me thirrjet “ngrihuni nga kafja”, “fikni makinat”, studentët kanë apeluar ndaj qytetarëve që t’i bashkohen protestës, të cilët i janë përgjigjur pozitivisht kësaj kërkese.
Ata kanë nisur të marshojnë që nga Universiteti, për të arritur në Sheshin Skëndërbej. Blutë e Tiranës iu ka kërkuar protestuesve që të qëndrojnë vetëm në një korsi, në mënyrë të tillë që të mos bllokohet qarkullimi i mjeteve.
Prej tre ditësh vendi ynë është përfshirë nga protesta në disa rrethe, ku i kërkohet qeverisë që të ndërhyjë me mekanizmat e saj për uljen e çmimeve.
Në lidhje me rritjen e çmimit të naftës, kreu i qeverisë Edi Rama, zhvilloi sot një takim me furnizuesit e naftës në vend. Kryeministri tha se do të ketë një akt normativ dhe do të krijohet Bordi Kombëtar i Administrimit të Karburantit, që do të kontrollojë çmimin e naftës në vend. Nëse dikush do të vendosë një çmim ndryshe, do të humbasë pikën e karburantit.
