Reperi i njohur shqiptar, Arkimend Lushaj, i njohur gjerësisht me emrin e artit si Stresi, ditën e sotme është liruar me kusht nga Gjykata e Tiranës.
Ndërkohë, babai i reperit, Sali Lushaj ka reaguan në rrjetin e tij social “Facebook”, ku i falënderon të gjithë dashamirësit e tij për mbështetjen e dhuruar.
“Miq , shoke e dashamires . Kurrë nuk kam dashur luftërat por jeta ka beteja qe duhen fituar. Ju faleminderit për mbështetjen te gjithëve .Sfida te tjera ne vazhdim”, shkruan Lushaj.
Mirëpo, vetëm dy orë pasi kishte postuar këtë status, Lushaj, i irrituar, ka shpërthyer keq ndaj mediave, duke i krahasuar me “kazanët e rakisë”.
“Ah media te fëlliqura qe jeni ba si ato kazanët e rakisë kur janë te shpuar. Perse nuk thoni te vërteten qe Stresi u arrestua nga ky pusht pushtet me akuzat ma te rënda..Krim kundër personit . Krijim i organizatave kriminale . Shef i shpërndarjes se lendeve narkotike me 25 veta. Kjo ishte komunikata e llakapereve te pushtetit. Ju pata thëne qe asnjë nuk qëndron . Ku jeni si sot 8 muaj o te pafytyre. Turpi ju mbuloftë. Kurrë nuk do dorëzohemi para jush o bisha te plagosura qe jeni ne grahmat e fundit. Zoti ua ktheftë”, shton ai.
Kujtojmë se Stresi u lirua me arsyetimin se nuk përbën rrezikshmëri, ndërsa qëndronte nën arrest për armëmbajtje pa leje që në muajin tetor të vitit të kaluar.
