Një familje shqiptare e cila jeton në Gjermani, po përballet me procedurat e deportimit. Kështu, Nertila dhe Renato Fora, djali i tyre më të vogël Ahmed, si dhe dy djemtë e tyre më të rritur janë një familje normale, shkruan Tirana Today.
Për shkak se familja Fora është mirë-integruar, ata pretendojnë që të qëndrojnë në Bockhorns. Por vendimi lidhur me lejen e qëndrimit të tyre ende nuk është dhënë dhe prindërit shqiptar janë shprehur se: “Ne kurrë nuk e dimë se çfarë do të ndodhë nesër”.
Duke qenë se Shqipëria është një vend i ashtuquajtur i sigurt i origjinës, kjo është arsyeja pse shumë refugjatë nga Shqipëria po dëbohen. Familja Fora, ka shkuar në Bockhorn që në vitin 2014 dhe aty ndihet si në shtëpi, raporton nwzonline.de.
Tani dëbimi po i kërcënon. Kjo është arsyeja pse familja është në një rast të vështirës, dhe shumë banorë në Bockhorn i mbështesin ato.
Të gjithë fëmijët janë të njëjtë
29-vjeçarja Nertila Fora, burri i saj 36-vjeçar Renato dhe fëmijët Ensar (8 vjeç), Rixhad (6 vjeç) dhe Ahmed (2 vjeç) duan vetëm një gjë: të qëndrojnë atje.
“Ne erdhëm në Gjermani sepse donim një jetë të mirë për fëmijët tanë. Nuk kemi ardhur për të jetuar në mirëqenie. Ne duam të punojmë dhe të jetojmë si gjithë të tjerët”, thotë Nertila Fora, shkruan Tirana Today.
Por pse këtu dhe jo në Shqipëri?
“Çdo gjë është ndryshme në Shqipëri. Atje ka shumë korrupsion. Nëse fëmijët tanë, të mësonin mirë në shkollë, ne na duhej që t’u jepnim para mësueseve. Nëse shkonim në spital, duhet t’u jepnim para duke filluar nga mjeku e deri te infermieri. Kjo është situata në Shqipëri. Këtu në Gjermani, të gjithë fëmijët janë të barabartë. Fëmijët e mi janë të integruar mirë, flasin mirë gjermanisht, shkojnë në shkollë, luajnë futboll”, thotë nëna.
Nertila Fora tani punon si pastruese në fermën e pulave Onken në Bockhorn. Në Shqipëri ndoqi shkollën e mesme, pastaj krijoi një familje. Renato Fora ishte një zejtar dhe në Gjermani punon tek Bockhorner Erlebnisbad. Tani kujdeset për fëmijët kur punon nëna Nertila. Kjo është një familje normale.
Mbikëqyrësi i refugjatëve Bernd Bock thotë: “Kur i dëgjoj këto histori, gjithmonë mendoj për evropianët që dikur emigruan në Amerikë. Ata gjithashtu donin vetëm një jetë më të mirë. Natyrisht, ka edhe refugjatë që janë në Gjermani vetëm për mirëqenien sociale. Por familja Fora nuk është një prej tyre.”
Netë pa gjumë
Fakti që familja ka jetuar në Bockhorn për pothuajse katër vjet është sepse djali i tyre më i vogël, i linduri në Gjermani, është i sëmurë. “Në Shqipëri, ai nuk do të kishte mundësi të kurohej”, thotë nëna. Sëmundja e djalit të saj dhe angazhimi i saj i madh në komunitet – qoftë në klubet sportive, në dhurimet e gjakut ose thjesht në jetën civile – janë baza për aplikim. Mbikëqyrësi i refugjatëve Bernd Bock thotë: “Kërkesa është pranuar nga Komisioni për këshilla. Kjo është një pengesë e madhe. Kam shpresë se familja Fora mund të qëndrojë.”
Ndërsa Nena Nertila i lejohet të qëndrojë pasi duhet të kujdeset për djalin e saj të sëmurë, e kundërta ndodh me burrin e saj, Renato të cilit javën e larguar i është thënë që të largohet.
“Është shumë stres për ne. Netë pa gjumë, dhimbje koke, frikë nga e ardhmja. Nuk e dimë kurrë se çfarë do të ndodhë nesër”, thotë Nertila. TIRANA TODAY
