Ambasadorja e SHBA në Tiranë, Yuri Kim, ka zhvilluar një takim me ministren për Evropën dhe Punët e Jashtme, Olta Xhaçka. Ndonëse thanë se takimi ishte i frytshëm, si ambasadorja dhe ministrja nuk treguan detaje lidhur me operacionin për akomodimin e afganëve.
“Patëm një takim shumë të frytshëm, për një situatë që po e ndjekim minutë pas minuti”, u shpreh ministrja Xhaçka.
Nga ana tjetër, diplomatja amerikane ka shprehur falenderimet ndaj Shqipërisë, për mikpritjen e emigrantëve.
“Patëm një takim shumë të mirë për situatën në Afganistan. Është diçka që bota duhet ta dijë dhe për të cilën ne duhet të jemi krenar për shqiptarët. Situata po ndryshon shumë shpejt, SHBA po punon shumë ngushtë me qeverinë shqiptare. Nuk kemi një numër akoma, se situata po ndryshon shumë shpejt. Ato do të vijnë këtu dhe do të shkojnë në destinacion final SHBA, disa po shkojnë direkt në SHBA”, tha Kim.
