Kryeministri Edi Rama ndodhet në Shijak, ku po shpjegon nga afër procesin e rindërtimit për banorët e prekur nga tërmeti i 26 nëntorit.
Gjatë bashkëbisedimit me qytetarët, Rama ia dha në një moment fjalën një arkitekti italian. Mirëpo përpara se ky i fundit të fliste, kreu i qeverisë hodhi një batutë në lidhje me koronavirusin.
“Nuk ta jap dorën se ti vjen nga Italia, nuk i dihet kurrë. Nuk është çështje karshillëku apo trimërie, por çështje sigurie”, tha Rama.
Deri më tani nuk ka asnjë rast të konfirmuar nga koronavirusi në Shqipëri, ndryshe nga Italia ku virusi vdekjeprurës ka shënuar rreth 200 viktima.
