Një tjetër lajm i hidhur ka ardhur për sportin shqiptar. Basketbollisti i njohur shqiptar Petraq Gjogu, është ndarë nga jeta sot, në moshën 72-vjeçare.
72-vjeçari ishte i shtruar prej dy javësh në Spitalin Covid, në Tiranë. Ai ndodhej prej disa ditësh i intubuar, dhe nuk mundi dot ta fitojë betejën me koronavurusin vdekjeprurës.
Karriera
Gjogu ka qenë basketbollist i ekipit të Tomorrit deri në vitet ’99, dhe më pas ai u emërua gjyqtar i ndeshjeve të volejbollit në vend. Në vitin 2001, Gjogu u emërua Kryegjyqtar i Kolegjit te Arbitrave për volejbollin në Berat.
Pas lajmit të ndarjes nga jeta të basketbollistit Gjogu, ka ardhur reagimi i selisë së PD Berat, ku i ndjeri ishte pjesë e strukturave të saj që pas viteve ’90. Kryetari i PD Berat, Gazmend Azizi, duke e cilësuar 72-vjeçarin Gjogu “demokrat të orëve të para”, i ka përcjellë familjes ngushëllimet e përzemërta.
