Opozita iraniane shqetësohet për gjendjen e rezidentëve të saj iranianë në Shqipëri, ndërkohë që ngre akuza se agjentë të shërbimit të shtetit të Iranit, kanë hyrë në vendin e shqiponjave dhe flasin kundër opozitës.
Akuzat u bënë nga Alejo Vidal Quadras, kryetar i Komitetit Ndërkombëtar në Kërkim të Drejtësisë, i cili paralajmëron në median ndërkombëtare se regjimi Iranian ka filluar një fushatë kundër njerëzve të rezistencës Iraniane (MEK).
Pretendimet e tij vazhdojnë kur shprehet se në fund të marsit, në Shqipëri, forcat e sigurisë (policia) ka arrestuar dy iranianë që erdhën për të mbledhur informacione dhe për të spiunuar MEK. “këto janë prelude të akteve terroriste” paralajmëron Vidal Quadras.
Përmenden dhe dy emra në vecanti Massoud Khodabandeh, i lindur në Iran dhe bashkëshortja e tij britanike Ann Singleton.
Zonja Singleton ka udhëtuar në Shqipëri të paktën tre herë në muajt e fundit. Në çdo lloj rasti, ajo flet për rezidentët e vendosur në Shqipëri, pas aksionit për shpëtimin e tyre ndërmarrë nga kombet e Bashkuara.
Singleton, me shtetësi britanike, nuk është e panjohur për organet e inteligjencës. Në vitin 2013 ajo u akuza për SPIUNAZH në emër të Iranit, sipas një raporti të qeverisë amerikane. Raporti shkruante se zonja Singleton dhe bashkëshorti I saj Iranian Khodabandeh, ranë dakord të punonin për regjimin e Iranit në këmbim të faljes së jetës së vëllait të Khodabandeh, raporton newsbomb.al duke iu referuar medias ndërkombëtare.
Por ndërkohë, nga policia apo organet ligjzbatuese në Shqipëri, nuk ka një raport apo të dhënë për aktivitetin e tyre të spiunazhit në vend./news bomb/
