“Dekreti mund të gjykohet edhe nga Gjykata e Skraparit që nuk ekziston. Presidenti nuk ndalon askënd që të çmendet”. Kështu u shpreh pak më herët kreu i shtetit, Ilir Meta, pyetur për rezolutën me 100 vota të miratuar një ditë më parë nga Kuvendi, kundër dekretit të tij që anulon 30 qershorin si datën e vendoreve.
Përkundër deklaratës së tij, një qëndrim i hapur ka ardhur në kohë reale nga Elisa Spiropali. Meta tha se; “Presidenti është zgjedhur nga Parlamenti, jo nga ky”. Kaq ka mjaftuar që Ministrja për Marrëdhëniet me Parlamentin, ti drejtohet kreut të shtetit, duke i thënë se e ka humbur të drejtën për të qëndruar më në zyrë.
Statusi
“Zoti Meta, jemi dakord me ju “Shqipëria është Republikë. Presidenti i takon Republikës dhe Republika u takon qytetarëve!”. Pikërisht për sa jemi dakord këtu, ju e keni humbur të drejtën të qëndroni në zyrën e Presidentit. Sepse Presidenti i takon Republikës, jo Lulit dhe Monikës”.
