Fushata elektorale e Partisë Socialiste është fokusuar në sulme frontale ndaj Presidentit Ilir Meta, por edhe ndaj ish-kryeministrit Sali Berisha, ku thonë se shqiptarët nuk mund të durojnë një rikthim të tretë të tij.
Ministrja socialiste Elisa Spiropali ka hedhur akuza të forta ndaj presidentit dhe ish-kryeministrit.
Ajo është shprehur se Meta dhe Berisha kanë 30 vite që mbajnë peng vendin tonë.
“Nuk mund të presim Sali Berishën dhe Ilir Metën që kanë marrë peng këtë vend prej 30 vitesh. A ju duket normale sjellja e tyre. Sjelljet e tyre janë në kundërshtim me Kushtetutën. Ata kanë dalë nga parlamenti ku votohen reformat, kanë hedhur molotov ndaj institucioneve. Ndërkohë presidenti këtë e ka kthyer në sport”, tha Spiropali në ‘Open’.
