Ministrja e Shtetit për Marrëdhëniet me Parlamentin, Elisa Spiropali, deklaroi se kryeministri Edi Rama ka bërë gjithmonë zgjedhjen e duhur, duke shtuar ndër të tjera se ai dhe ekipi i tij kanë bërë maksimumin për të mbajtur shtetin në këmbë në kohë kur opozita braktisi parlamentin dhe presidenti u bë palë me opozitën.
E ftuar në “RealStory” Spiropali u shpreh se Rama do të fitojë mandatin e tretë dhe këtë gjë sipas saj e tregojnë sondazhet.
“Edi Rama gjithmonë ka bërë zgjedhjet e duhura. Ka mbajtur shtetin në këmbë. Kemi dy mandate që qeverisim, dhe siç tregojnë sondazhet ne jemi drejt rrugës për të marrë mandatin e tretë se kurrë më parë në Shqipëri. Do e marrim sepse opozita që braktisi parlamentin dhe presidenti që çdekretoi zgjedhjet me një akt të paprecedentë, kishte përballë Edi Ramën që mbajti në këmbë shtetin.
Jemi sot kur Këshilli i Europës ka çelur negociatat me ne dhe Maqedoninë. Rama ka bërë zgjedhjet e duhura si në frymë si në njerëz si askush më parë. Dhe këto zgjedhje do i gjykojmë me rezultanin e e 25 prillit. Milva Ekonomi, Çuçi, Xhaçka etj, janë jo vetëm ministra politikë, por njerëz dinjitozë dhe punëtorë. Janë njerëzit e duhur në kohën e duhur, katër muaj para zgjedhjeve. “, tha Spiropali.
