Zëdhënësja e qeverisë, Elisa Spiropali ka komentuar deklaratën e kreut të PR-së, Fatmir Mediu, lidhur me propozimin e disa emrave të pavarur për një qeveri tranzitore.
E ftuar në “Report TV”, Spiropali u shpreh se Mediu nuk është askush për të vendosur se kush do të jetë qeveria që do drejtojë popullin, ndërsa shtoi se ai është “një person i cili vdiq një fshat të tërë”.
“Mediu kishte dhënë edhe emra për qeveri tranzitore. Kush është ky që vendos nëpër tavolina për qeverinë. Ai është një person i cili vdiq një fshat të tërë. Kush është ai të vendosë për qeverinë që do drejtojë të gjithë popullin”, u shpreh Spiropali.
Ndër të tjera, Spiropali deklaroi se protesta e ditës së sotme ishtë më e qetë, sepse sipas saj Basha është trembur nga thirrjet e ndërkombëtarëve.
“Sot Lulzim Basha ishte i trembur nga deklaratat e ndërkombëtarëve ndryshe nga ditën e dielë kur dukej shumë i vendosur. Opozita sot ishte shumë më e qetë pasi Basha është trembur”, tha Spiropali.
