E hënë, 24 Janar, 2022
3.5 C
Tirana

Speciale/ Futbollisti më i mirë i çdo dekade…

RICARDO ZAMORA 1920-1930

Për shumë veta konsiderohet futbollisti i parë mediatik i historisë. Portieri legjendar spanjoll pati fatin të luajë për gjigandët spanjollë; Realin, Barcelonën dhe klubin tjetër katalan Espanjolin.

GIUSEPPSE MEAZZA 1930-1940

Kampion i dyfishtë bote, në dy raste njëri pas tjetrit me Italinë, 1934 dhe 1938. Kapiten i kombëtares dhe legjendë e Interit ku luajti 13 sezone. Luajti dhe në rradhët e rivalëve të qytetit, tek Milani, prandaj dhe stadiumi i përbashkët mban emrin e tij…

STANLEY MATTHEWS 1940-1950

Anglezi Sir Stanley Matthews pati një karrierë shumë të gjatë. U bë Topi i parë i Artë në vitin 1956. Nga 1932-1947 veshi fanellën e Stok Sitit. Luajti dy botërorë me Anglinë. Vari këpucët në gozhdë në 1965ën në moshën 50 vjeçare.

DI STEFANO 1950-1960

Mund të cilësohet si një legjendë çdo detaj i karrierës së tij. Di Stefanon e konsiderojnë shumë si më të madhin e historisë pasi ishte i pari që e bëri Real Madridin ekipin që është sot, duke e ndihmuar të fitojë 5 Champions rradhazi, duke dominuar Evropën e futbollit në vitet 50’-60’.

PELE 1960-1970

Nuk mund të ishte askush tjetër veç atij, Pelesë. Si për shumë të tjerë në këtë listë ka miliona në mbarë botën që e konsiderojnë si më të mirin e të gjitha kohërave. Legjendë si me Santosin në Brazil dhe me Brazilin në kombëtare. 17 vjeç fiton Botërorin si protagonist. I vetmi në botë që ka fituar 3 Botërorë 1958, 1962 dhe 1970.

JOHAN CRUYFF 1970-1980

E vështirë të shkëlqesh pas epokës së Pelesë, por Johan Krojf ia doli. U bë një ndër më magjikët e botës së futbollit me teknikën dhe trurin e tij. Holandezi fluturues luajti finalen e Kupës së Botës me Holandën 1974. Protagonist thelbësor me Ajaksin e madh të viteve 70’. Më pas legjenda e përjetshme e Barcelonës, si lojtar dhe më pas si trajner. Më i madhi i kësaj dekade pa as më të voglin dyshim.

MARADONA 1980-1990

Të zgjedhësh më të mirin e viteve 80 është lojë fëmijësh për secilin. Maradona ishte i paarritshëm në atë dekadë. Legjendë e Boca Juniorsit dhe e Argjentinës. Por mbi të gjitha zgjoi Vezuvin nga gjumi, Napolin e zemrës që e shpalli kampion Italie dy herë, pas një aventure me Barcelonën.

RONALDO 1990-2000

Të zgjedhësh më të mirin e viteve 90’ është mision i komplikuar sepse ishte periudha që i dha futbollit më së shumti yje dhe talent. Mes tyre ishte njëri që i bëri njerëzit të dashuroheshin me rolin e 9-shit në futboll, Ronaldo fenomeni. E mahniti botën me potencën, driblimin dhe golat e tij tek PSV, Barça, Interi dhe Reali, para se me Brazilin të fitonte dy Botërorë, 1994 dhe 2002, pasi atë të 1998-ës e humbi në finale ndaj Francës.

ZINEDIN ZIDANE 2000-2010

Finalen e 1998-ës e humbi Ronaldo por e fitoi Zinedin Zidan, ylli algjerian i Francës që mbretëroi nga ajo kohë deri në finalen e Kupës së Botës 2006. Me Juven dhe Realin ai i tregoi botës se futbolli luhet me tru më shumë se me musjkuj. Spektakolar me topin sidomos në ajër, koordinimi në distanca të largëta ishte ai i një gjeniu. Një tjetër i madh i këqsaj epoke ishte Ronaldinjo, megjithatë Zidan pati më shumë vite produktivitet sesa Ronaldinjo, pasi talent kishin të dy.

MESSI/ KRISTIANO RONALDO 2010-2020

Dueli mes Mesit dhe Ronaldos është ndoshta debati më i madh në historinë e futbollit, kush ishte më i miri? Kanë ndarë skenën bashkë për 15 vite, statistikat i kanë dhëmbë më dhëmbë, mbretërimin po ashtu. Messi një katalanas i përjetshëm, Ronaldo një yll me Junajtidin, Realin dhe Juventusin. Të pandashëm, zgjidheni ju.

Përgatiti Totila Kotorri/ TIRANA TODAY SPORT

- Reklama -

Më shumë nga kategoria




Të fundit

“Blindohen” zgjedhjet në Shoqatën e Tiranës, hyrja me kartë identiteti

Në orën 15:00 do të nisin zgjedhjet e Shoqatës Rajonale të Futbollit të Tiranës. Aktualisht është vënë re prezencë e forcave të policisë private,...

Nis hakmarrja pas përgjimeve, Tatimet ‘mësyjnë’ te bizneset e Armand Dukës

Bashkia e Tiranës me në krye Erion Veliaj, ka marrë zotimin për të "pastruar futbollin". Prokuroria e Tiranës ka nisur sot një hetim për...

Kriza në Ukrainë, NATO rrit praninë e saj

Aleatët e NATO-s po vendosin forcat në gatishmëri, dhe po dërgojnë anije shtesë dhe avionë luftarakë në Evropën Lindore, tha organizata të hënën. Këto...

FSHF i nxori audio-përgjimin, Veliaj: U qëndroj një për një atyre që kam thënë!

Kreu i Bashkisë së Tiranës, Erion Veliaj ka reaguar pas publikimit të audio-përgjimit të publikuar sot nga Federata Shqiptare e Futbollit, në të cilën...

1100 mësues të infektuar, Ministrja e Arsimit flet për mbylljen e shkollave

Aktualisht në Shqipëri janë 1100 mësues të konfirmuar me Covid-19, dhe 1600 nxënës. Përpos situatës së rënduar me pandeminë, shtohet edhe frika për gripin...