Avokati Spartak Ngjela ka dal me një deklaratë të fortë, përsa i përket marrëveshjes së mini-shengenit Ballkanik. Në komentin e tij të radhës, të shpërndarë me ndjekësit në Facebook, Ngjela nënvizon se refuzimi i ardhur nga Kosova ishte i pritshëm, dhe kjo falë ndikimit amerikan.
Sipas avokatit, të gjithë janë trembur nga reforma antikorrupsion. Duke qëndruar në të njëjtën linjë, Ngjela është i mendimit se nëse amerikanët do ta godasin këtë ndërmarrje antishqiptare të Ramës, shqiptarët do ta hedhin poshtë kryeministrin.
Statusi
A do ta lejojë politika amerikane shengenin ballkanik të Edi Ramës dhe Aleksandër Vuçiçit, ngritur kundër botës shqiptare në Ballkanin Perëndimor?
Të shohim.
Kosova nuk e pranoi dje këtë ndërmarrje, dhe nuk kishte sesi. Domethënë, ky është qëndrimi amerikan? Po. Shenjat janë që ky është edhe qëndrimi amerikan – mospranimi.
Forcat proserbe në Tiranë e konsideruan “izolim të Kosovës” shengenin e Ramës. Që ta shtynin edhe Kosovën te Serbia. Naivitet politik. Këta, ca ekscentrikë në Tiranë, do të mundin politikën amerikane në Shqipëri dhe në Kosovë?!!
Të gjithë bashkë janë trembur nga reforma antikorrupsion, dhe kanë shkuar në Beograd: këto janë shenjat.
Nëse amerikanët do ta godasin këtë ndërmarrje antishqiptare të Ramës, shqiptarët patjetër që do ta flakin Edi Ramën, sepse, pas kësaj, ata duhet ta hedhin atë poshtë, mu si një copë rreckë.
Ta shohim…
