Spanja ka shënuar një rritje të numrit të viktimave nga koronavirusi në krahasim me një ditë më parë.
Gjatë 24 orëve të fundit, në Spanjë janë shënuar 176 viktima, 53 më shumë se një ditë më parë. Kështu numri total i viktimave në Spanjë shkon në 26,920.
Ndërkohë, shihet një ulje e ndjeshme e numrit të rasteve të reja. Gjatë 24 orëve të fundit, Spanja ka shënuar një nga shifrat më të ulëta të rasteve të reja që nga shpërthimi i pandemisë, vetëm 594.
Me mbi 268 mijë raste infektimi, Spanja renditet e dyta në botë për numrin më të lartë të rasteve me COVID-19, pas SHBA-ve.
Spanja pritet të prezantojë sot një kërkesë për karantinë 14-ditore për të gjithë personat që vijnë nga jashtë shtetit.
