Spanja ka shënuar një ulje të numrit të viktimave, në krahasim me ditën e djeshme.
Sipas mediave vendase, në 24 orët e fundit janë shënuar 301 viktima, 30 më pak se dje ku u regjistruan 331 persona të vdekur.
Ndërkohë janë shtuar 1,308 raste të reja infektimi, duke e çuar në rreth 230 mijë numrin total të personave të infektuar.
Që nga shpërthimi i koronavirusit, në Spanjë janë shënuar mbi 23 mijë viktima. Vendi renditet i treti për numrin më të madh të viktimave të shënuara nga COVID-19.
Spanja ka njoftuar lehtësim të kufizimeve të vendosura dhe për herë të parë pas 6 javësh fëmijët nën 14 vjeç mund të dalin nga shtëpitë.
