I cilësuar si emri më potencial i opozitës si kandidat për Bashkinë e Tiranës në zgjedhjet lokale të 14 majit 2023, mjeku i njohur Ilir Alimehmeti e ka shprehur edhe më herët dëshirën për të kandiduar përballë Erion Veliajt.
Në emisionin “Now” në “Euronews Albania”, juristi Kreshnik Spahiu është shprehur se zgjedhja e një kandidature si doktor Ilir Alimehmeti për Bashkinë Tiranë, bëhet që asnjë të mos mbajë përgjegjësi për humbjen.
Juristi Kreshnik Spahiu thotë se marrëveshja Meta-Berisha, tregon për një dështim në zgjedhjet e ardhshme.
Sipas tij, kandidatura e Alimehmetit për Bashkinë Tiranë është 100 për qind e sigurt, por ai është vetëm alibia e humbjes së Metës dhe Berishës.
“Është marrëveshje për të zgjedhur një njëri jashtë PD e LSI që të mos mbajnë asnjë përgjegjësi për humbjen. Që të thonë doktor Alimehmeti ishte djalë i mirë, por po e hedhim se nuk na duhet.
Po zgjedhin alibinë e humbjes. Vetëm të shohësh Metën nga një parti me 22 deputetë shkoi në 4 dhe tani nuk kandidon as për Bashki, po kërkon këshillat bashkiakë. Kanë marrë një patate të nxehtë dhe ia hedhin njëri-tjetrit”, tha Spahiu.
