Ish-kreu i Aleancës Kuq e Zi, Kreshnik Spahiu, është hedhur në sulm ndaj Metës, pas zërave se video-ja kërcënuese që pritet të publikohet, përmban një aferë seksuale mes një ambasadori dhe një socialiste.
Me tone ironike, ai shkruan në Facebook: “Dmth: Kush ka bërë seks me një socialiste, do shpallet Non Grata në Shqipëri?”.
Një tjetër ambasador është në listë për t’u shpallur ‘non-grata’, pas aktit të presidentit Meta një ditë më parë, kur tha se ambasadori Borchardt nuk është i mirëpritur në Presidencë. Një lajm që qarkulloi dje, thuhet se ekziston një video erotike e diplomatit me një zyrtare socialiste.
Meta ndërmori një akt të padëgjuar, duke shpallur “non grata”, për zyrën e institucionit më të lartë të shtetit, ambasadorin e OSBE në Tiranë, Bernd Borchadt. Në një letër adresuar Asamblesë Parlamentare të OSBE në Kopenhagen dhe zyrës lokale në Tiranë, thuhet se drejtuesi i zyres së OSBE në Shqipëri, nuk është më i mirepritur në Presidencë për dy arsye. E para, sipas Metës, sepse Borchardt vuri ne diskutim Dekretin e presidentit për zgjedhjet vendore në Shqiperi, në qershor 2019. Dhe e dyta, sepse ai, shton Meta, u tregoi publikisht gishtin qytetarëve shqiptarë.
