OSBE do të organizojë ditën e sotme një tryezë për Reformën Zgjedhore.
Ambasadori i OSBE-së në Shqipëri, Bernd Borchardt, dhe dy bashkëkryetarët e komisionit për reformën zgjedhore Damian Gjiknuri dhe Rudina Hajdari do të mbajnë fjalën hyrëse.
Po ashtu, pjesë e saj do të jetë edhe opozita e bashkuar. Vendimi u mor ditën e djeshme, pas takimit të kryedemokratit Lulzim Basha me aleatët e tij opozitarë.
Ndërkaq, në këtë tryezë pritet të jenë edhe përfaqësues nga opozita e bashkuar, e cila ka vendosur që të përfaqësohet nga ekspertë ligjorë si Ivi Kaso, Muharrem Caka dhe Arjan Madhi.
Konferenca me temë “Të mohuar nga sistemi: ngritja e një sistemi gjithëpërfshirës për mbrojtjen e demokracisë” pritet të nisë në orën 09:30.
