Sot pritet të jepet verdikti final për çeljen ose jo të negociatave të Shqipërisë dhe Maqedonisë së Veriut me BE-në. Pikërisht sot pritet të vuloset fati i tyre.
Dita e parë e takimit të liderëve të BE-së është mbyllur pa një rezultat pozitiv për dy vendet. Vlen të theksohet fakti që Franca këmbëngul për mos hapjen e negociatave të Shqipërisë dhe Maqedonisë së Veriut. Diskutimi maratonë mes krerëve të Bashkimit Evropian zgjati deri rreth orës 03:00 të mëngjesit të sotëm.
Nga 28 vende anëtare të BE, 25 prej tyre janë për hapjen e negociatave me Shqipërinë dhe Maqedoninë e Veriut, dhe vetëm 3 të tjerë e kundërshtojnë një proces të tillë, siç janë Franca, Holanda dhe Danimarka.
