Opozita e bashkuar ka paralajmëruar këtë të shtunë për një tjetër protestë kombëtare kundër qeverisë dhe kryeministrit Rama.
Protesta do të zhvillohet përpara godinës së Kryeministrisë në orën 19:00, ndërsa ende nuk dihet skenari i opozitës për ditën e sotme, si do të organizohet dhe sa do të zgjasë kjo protestë.
Mësohet se rreth 1500 efektivë policie do të angazhohen për mbarëvajtjen e protestës.
Ndërkohë, ditën e djeshme, kreu i PD-së, Lulzim Basha i ftoi qytetarët që t’i bashkohen tubimit. Nga ana tjetër, lideri opozitar nuk ka pranuar thirrjen e Ramës për dialog, duke u shprehur i vendosur se zgjedhje me Ramën kryeministër nuk do të ketë.
Po ashtu, dhe presidenti Ilir Meta deklaroi ditën e djeshme se është i gatshëm të sakrifikojë mandatin, si dhe të të dekretojë një datë tjetër për zhvillimin e zgjedhjeve vendore, në mënyrë që palët të të gjejnë zgjidhje për krizën politike.
