Kryetari i PD-së, Lulzim Basha, pritet të mbledhë në orën 09:00 grupin parlamentar. Partia Demokratike do të ketë një mbledhje të grupit parlamentar, pak para nisjes së seancës parlamentare në Kuvend, ku pritet të votohet zgjatja e afatit të organeve të Vetting-ut.
Në mbledhje pritet që deputetët demokratë të njihen me qëndrimin që PD do të mbajë në lidhje me propozimin e mazhorancës, për të zgjatur këtë afat deri në vitin 2024.
Për të zgjatur mandatin e Komisionit të Pavarur të Kualifikimit dhe Komisionerëve Publikë deri më 31 dhjetor 2024, duhen 94 vota nga 140 deputetë.
Më 21 janar 2021, Këshilli i Legjislacionit ka miratuar ndryshimet kushtetuese të miratuara nga mazhoranca për zgjatjen e afateve të organeve të Vettingut deri në fund të vitit 2024.
