Ditën e sotme ka ndërruar ora, teksa akrepat kanë shkuar 60 minuta përpara. Si rrjedhojë, zgjimi në orarin e përditshëm ka qenë paksa më i vështirë.
Ndërrimi i orës ndodh të dielën e fundit e muajit mars, ndërsa ora verore është kthyer sot prej orës 02:00 të mëngjesit, duke shkuar 60 minuta para, pra në 03:00.
Në muajin tetor, ora do të ndryshojë sërish, me qëllim shfrytëzimin sa më mirë të energjisë diellore.
Ndryshimi i orës në Europë u vendos si ligj europian në vitin 1981 dhe është rinovuar çdo katër vjet. Norma europiane vendos në mënyrë të qëndrueshme datat e fillimit të periudhës së orës së verës dhe përfundimin e saj.
