Në ditën e parë të shkollës, ambasadori i BE-së në Tiranë, Luigi Soreca, ka përcjellë një urim ndaj të gjithë nxënësve shqiptarë. Soreca ka dhënë një mesazh të fortë për të gjithë të rinjtë, duke deklaruar se Shqipëria shumë shpejt do të jetë pjesë e Bashkimit Evropian. Po kështu ai ka thënë më tej se ata duhet të jenë qytetarë më të mirë të Shqipërisë, dhe më pas të BE-së.
“Duket të keni besim te Shqipëria, ashtu siç kam unë. Shqipëria do të bëhet një vend më i mirë, kini besim. Së shpejti, shpresoj që së shpejti do të hapim negociatat me Shqipërinë, në mënyrë që Shqipëria të bëhet vend anëtar i BE-së, dhe të rikthehet në gjirin e BE-së, aty ku ky vend i përket gjithmonë.
Ju jeni e ardhmja e BE-së. Duhet të jeni qytetarë më të mirë të Shqipërisë, dhe më pas të BE-së. Urime për vitin e ri shkollor”, ishte kjo fjala e shkurtër e Sorecës.
