Lidhur me shtyrjen e vendimit të KE-së për çeljen e negociatave ka reaguar edhe Ambasadori i Bashkimit Evropian në Tiranë, Luigi Soreca.
Ky i fundit u ka bërë një apel të fortë partive politike shqiptare që të nisin urgjentisht një dialog në mënyrë që të kapërcehet kriza.
Përmes një postimi në Twitter, Soreca ka deklaruar se është koha që të gjitha institucionet të vazhdojnë reformat.
“Koha për të nisur urgjentisht një dialog me të gjitha partitë për të kapërcyer situatën e tanishme politike, për të siguruar që Shqipëria të mund të vazhdojë në rrugën e saj drejt anëtarësimit dhe të shkojë në hapin e ardhshëm. Nuk ka kohë për të humbur. 2/2”, shkruan Soreca.
