Rezultatet e sondazhit të parë për votën e qytetarëve të Elbasanit i realizuar nga Ora News dhe IPR Marketing rendisin forcë të parë Partinë Socialiste, dytë Partinë Demokratike dhe pas saj vjen Lëvizja Socialiste për Integrim, lufton për 1 mandat PDIU
Partia Socialiste do të dilte forcë e parë në këtë qark me 49.5% të votave, merr 7 deputetë. PS ka rritje edhe nga 2013 ku kishte marrë 43.3%.
Partia Demokratike pozicionohet e dyta me 29.5% të votave nga 27% që kishte marrë në 2013, duke rrëmbyer katër mandate deputetësh.
LSI shënon rënie në Elbasan. Ka marrë 10% të votave nga 10.6% në 2013. Merr 1-2 mandate deputetësh. Rënie ka dhe PDIU që ka marrë 5.5% të votave nga 7.0 në 2013. Lufton për një mandat deputeti.
Edhe LIBRA e Blushit ka pritshmëri në këtë qark, ka marrë 3% të votave dhe lufton për një mandat.
Rënie ka Partia Republikane, nga 3.6% të votave që ka marrë në 2013 në këtë sondazh merr vetëm 1% të votave, duke mos kaluar pragun elektoral.
Poshtë pragut pozicionohen të gjitha partitë e tjera elektorale.
