Koordinatori i Qendrës Kundër Ekstremizmit, Agron Sojati në konferencën rajonale kundër ekstremizmit, ka treguar numrin e shqiptarëve që jetojnë në kampet e Sirisë dhe Irakut.
Sipas tij, të paktën 30 femra, 16 fëmijë dhe 6 të moshuar ndodhen në këto kampe, ndërsa tha se po punohet për t’i rikthyer në Shqipëri.
“Kemi 30 gra nëpër kampet e Sirisë dhe Irakut. Në kampet e Sirisë e Irakut, 16 fëmijë dhe 6 të moshuar. Për luftëtarët e ISIS nuk kemi një numër të saktë. 6 muaj që po punojmë për t’i tërhequr nga kampet. Nuk kemi një datë për rikthimin e tyre nga kampet. Qeveria po e trajton me seriozitet e përgjegjësi këtë çështje”, u shpreh Agron Sojati.
